1. Akseptasyon Tèm yo

Lè ou itilize sit Marc Ship la, ou dakò ak tout tèm ak kondisyon ki ekri nan dokiman sa a san okenn rezèv.

2. Itilizasyon Kont Kliyan

• Chak kliyan responsab pou sekirite enfòmasyon li bay yo.
• Marc Ship pa responsab pou okenn reta oswa pèt ki soti nan fo enfòmasyon kliyan an bay.

3. Rekiperasyon & Livrezon Koli

• Koli yo remèt sèlman bay mèt kont lan oswa yon moun ki gen yon otorizasyon ekri legal.
• Yon pyès idantite valid (NIF, CIN, Paspò) obligatwa pou w ka pran koli w.

4. Pri & Peman

• Tarif nou yo baze sou pwa reyèl (lb) oswa volim machandiz la.
• Nou gen dwa modifye pri yo selon chanjman nan mache transpò a, men sa pa afekte koli ki te deja rive nan depo nou.

5. Sekirite & Responsablite

• Marc Ship garanti sekirite kago w soti nan depo nou rive nan men w.
• Sepandan, nou pa responsab pou machandiz ki rive domaje nan depo nou poutèt move anbalaj vandè a (Amazon, eBay, elatriye).

6. Sispansyon Kont

Marc Ship gen dwa fèmen kont nenpòt moun ki itilize sèvis la pou aktivite ilegal oswa ki pa respekte anplwaye nou yo.